Пәйгамбәрем, илаһымның дусты,
Гамәлләрең олуг һәм күркәм.
Тиңли алмыйм беркемгә дә сине
Әхлаклыгың үзе зур Коръән.

Ятимлекнең ачы күз яшьләре
Битләрендә кипми торгандыр.
Күктә болыт сине саклап йөргән
Ходай могҗигасы булгандыр.

Язмышыңа шулай язылганга
Ятимлектә, үткән сабыйлык.
Бүлзк иткән Аллаһ гомереңә
Йомшак холык, күркәм сабырлык.

Исемең дә матур, иң мактаулы
Тартылмаган сиңа кем генә?
Иярткәнсең күпме кешеләрне
Үз артыңнан Аллаһ диненә.

Һәр адымда үлем сагалаган
Өммәтеңә хезмәт иткәндә.
Үч алудан ерак булгансын син
Явызлыклар угын сипкәндә.

Алаһының сүзен ңиткергәнсең
Зур сабырлык куеп, түземлек.
Ислам җиргә якты нурын сипкән
Иңгән илгә хаклык гаделлек.

Адаммыйча җирдә көн күргәндә
Дөрес кыйблаң булу бик кирәк.
Рәсүлебез, ходай рәхмәтләре,
Барлык мөселманга зур терәк.